Имрӯз, 3 апрел, раиси вилояти Хатлон Давлаталӣ Саид дар ноҳияи Кӯшониён аз раванди корҳои саҳроӣ, истифодаи самараноки заминҳои наздиҳавлигии сокинон, вусъати корҳои ободонӣ дар маҳаллаву деҳот, вазъи таълиму тарбия дар муассисаҳои таълимӣ, мутолиаи китобҳои илмию бадеии хонандагон, бунёди биноҳои иловагӣ ва фаъолияти ошхонаҳои муассисаҳои таълимии ноҳия дидан намуданд.
Зимни боздид ба масъулон ҷиҳати истифодаи оқилонаи ҳар қитъа замин, тозаю озода намудани маҳаллаву деҳот, фаро гирифтани хонандагони муассисаҳои таълимӣ ба озмуну олимпиадаҳои фаннӣ ва саводнок намудани насли наврас дастуру тавсияҳои мушаххас дода шуд.
Зимни сафари корӣ раиси вилояти Хатлон Давлаталӣ Саид аз вазъи таълиму тарбия дар муассисаҳои таълимӣ воқеъ дар ҷамоати деҳоти Сарвати Истиқлоли ноҳияи Кӯшониён огоҳ шуда, бо омӯзгорону хонандагон мулоқот анҷом доданд.
Раиси вилоят ба масъулон оид ба самти таъмини иҷрои дастуру супоришҳои Пешвои миллат муҳтарам Эмомалӣ Раҳмон ҷиҳати баланд бардоштани сатҳу сифати таҳсилот, омода намудани хонандагон ба озмуну олимпиадаҳо, ташкили дарсҳои иловагӣ, муҷаҳҳаз гардонидани майдонча ва кабинетҳои омодагии ибтидои ҳарбӣ, ташкили китобхонаҳои электронӣ, истифодаи воситаҳои аёнӣ ва техникии таълим, ба китобхонӣ ҷалб намудани мактаббачагон дастуру тавсияҳои муҳим доданд.
Дар ин ҷамоат раиси вилоят Давлаталӣ Саид ҳамзамон аз раванди корҳои саҳроӣ, омодагии хоҷагиҳои деҳқонӣ ба кишти пахта ва вусъати корҳои деҳқонӣ дар гармхонаҳои доимоамалкунанд шинос шуданд.
Иттилоъ дода шуд, ки ин гармхонаҳо дар майдони 320 гегтар бунёд шуда, саҳмгузорон бо мақсади фаровонии бозорҳои ватанӣ кишти сабзавотҳои ба талаботи бозор ҷавобгӯро ба роҳ мондаанд. Ҳоло дар ин гармхонаҳо коркард ва банду басти сабзавотҳои барвақтӣ, аз қабили бодиринг, помидор ва қаламфури булғорӣ идома дошта, нашъунамо дар ҳолати хуб қарор дорад.
Тибқи иттилои деҳқонон ҳамасола дар ин гармхонаҳо даҳҳо номгӯи сабзавот кишту парвариш гардида, бозорҳои дохилӣ бо маҳсулотҳои тару тозаи ватанӣ таъмин мегарданд. Аснои боздид раиси вилояти Хатлон оид ба истифодаи босамари заминҳои дар ихтиёрдошта ва ҳарчи зудтар қонеъ намудани талаботи мардум ба сабзавотҳои ватанӣ бо деҳқонон сӯҳбат намуданд.
Зимнан, раиси вилоят ба хонаи сокини ҷамоати Сарвати Истиқлол Ҷӯрабой Аслев ташриф оварда, аз замини наздиҳавлигии эшон дидан намуданд.
Иттилоъ дода шуд, ки хонаводаи ин сокини ҷамоат дар майдони 12 сотих замин, ки аз ҳисоби заминҳои наздиҳавлигияшон аст, гармхонаи доимамалкунанда бунёд намуда, ҳоло бодиринг ва помидорро парвариш карда истоданд, ки аллакай ҷамъоварии ҳосили бодиринг дар ин гармхона оғоз гардидааст.
Ҳамзамон, раиси вилоят Давлаталӣ Саид бо гармхонаи доимоамалкунандаи дигар сокинон ошно гардида, саҳми онҳо ва дигар сокинони маҳалларо дар таъмини амнияти озуқаворӣ чашмрас арзёбӣ намуданд. Гуфта шуд, ки баъди ҷамъоварии ҳосили фаровони гармхонаҳо бозори дохилӣ бо сабзавоти тару тозаи кишоварзӣ таъмин ва нарху навои он муътадил нигоҳ дошта мешавад.
Дар доираи сафари корӣ раиси вилоят дар ҷамоати деҳоти Заргари ноҳия аз раванди корҳои саҳроӣ дар заминҳои киштшаванда шинос гардиданд.
Гуфта шуд, ки дар аксар заминҳои корами обӣ хоҷагидорон ба кишти пунбадона оғоз намуда, интизори онро доранд, ки бо истифодаи ҳавои мусоид парвариши ин зиратро дар сатҳи зарурӣ ба роҳ монанд.
Тибқи иттилои саҳмдорони хоҷагиҳои деҳқонӣ ҳоло дар майдони беш аз 5 гегтар замин кишти картошка ба роҳ монда шудааст, ки нашъунамои хуб дорад. Зимни суҳбат бо деҳқонон ва хоҷагидорон ҷиҳати истифодаи тухмиҳои хушсифат ба масъулон тавсияҳои мушаххас доданд. Деҳқонон ҳоло дар ин заминҳо навъҳои пумбадонаи Майа ва Флораро кишт карда истодаанд, ки тибқи тавсияи мутахассисон ин навъҳои тухмӣ ба заминҳои ин минтақа мувофиқ аст.
Замни сафари корӣ раиси вилоят дар ҷамоати мазкур ҳамчунин ба Гимназияи давлатӣ барои хонандагони болаёқати ноҳия ташриф оварда, аз фаъолияти ин муассисаи таълимӣ огаҳӣ пайдо намуданд. Зимни суҳбат раиси вилоят таълимгирандагони гимназияи мазкурро ба донишандӯзӣ ва бо баҳои аъло таҳсил намудан ҳидоят намуданд.
Раиси вилоят ҳамзамон аз ҷараёни корҳои сохтмонӣ дар бинои иловагии гимназия шиносоӣ пайдо намуда, ҷиҳати бо талаботҳои замон ҷавобгӯ намудани он ба масъулон дастур доданд.
Дар ҷараёни сафари корӣ раиси вилоят дар дигар муассисаҳои таълимӣ аз вазъи таълиму тарбия, мутолиаи китобҳои илмию бадеӣ, бунёди биноҳои иловагии таълимӣ, фаъолияти маҳфилҳои фаннӣ шинос шуда, ба хонадон суҳбат намуданд.
Ҳамчунин, дар доираи сафари корӣ раиси вилоят аз фаъолияти Беморхонаи рақами 2- и ҷамоати деҳоти Заргар аз наздик шинос гардида, зимни суҳбат бо табибон онҳоро барои хизмати софдилона ба аҳолӣ, баланд бардоштани сатҳи хизматрасонии тиббӣ ва муносибати хуб ба корафтодагон ҳидоят намуданд.
Хадамоти матбуоти раиси вилояти Хатлон
