Рӯзи 09.07.2018 сол. Дар толори маҷлисгоҳи мақомоти иҷроияи ҳокимияти давлатии ноҳияи Темурмалик бо иштироки муовини якум, муовин, роҳбари дастгоҳи раиси ноҳия, мудирони шуъба ва бахшҳои дастгоҳи раис ва мақомоти иҷроияи ҳокимияти давлатии ноҳия, директорони муассисаҳои таълимӣ, намояндагони соҳаи тандурустӣ фарҳангроҳбарони мақомотҳои ҳифзи ҳуқуқ, ташкилоту муассисаҳо, раисони Ҷамоатҳои шаҳраку деҳоти ноҳия ва намояндаи мақомоти иҷроияи ҳокимияти давлатии вилояти Хатлон Назаров Ҷумахон – муовини директори хоҷагии ҷангал дар минтақаи Кулоб ҷамъбасти натиҷаҳои рушди иҷтимоию иқтисодии ноҳияи Темурмалик дар семохаи якуми соли ҷорӣ баргузор гардид.
Дар ҷаласа, ки таҳти роҳбарии раиси ноҳия муҳтарам Аслзода Эмомиддин Муҳриддин баргузор гардид, ҳисоботии муовини якуми раиси ноҳия Шарофиддинзода Неъматулло оид ба натиҷаҳои тараққиёти иҷтимоию иқтисодии ноҳия дар шашмоҳаи якуми соли ҷорӣ шунида шуд.
Роҳбарони роҳбарони ташкилоту муассисаҳои ноҳиявӣ аз ҷониби раиси ноҳия оид ба масъалаҳои дар рӯзнома ва музокирот баррасӣ гардида мавриди пурсиш қарор гирифта, ҷиҳати рушди минбаъдаи соҳаҳои мухталифи хоҷагии халқи ноҳия ба масъулин дастуру супоришҳо мушахас дода шуд.
