Роҳбарону фаъолони фирории ташкилоти террористӣ-экстремистии Ҳизби наҳзати исломӣ, ки айни ҳол аз ҷавобгарӣ дар назди қонун гурехта, дар Аврупо паноҳ бурдаанд, ба ҳар роҳ мекӯшанд аз хориҷи кишвар истода ба сӯйи Тоҷикистон санге андозанд. Онҳо мехоҳанд ТТЭ ҲНИ-ро ҳамчун ҳизби сиёсӣ ва худро ҷабрдида вонамуд кунанд, то аз дастгирии молиявию маънавии созмонҳои аврупоӣ ва сарпарастони хориҷиашон бархӯрдор бошанд.
Онҳоро бухсу ҳасад ва нотавонбинӣ чунон зер кардааст, ки ҳатто аз сафарҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳру ноҳияҳо ва дигар кишварҳо, аз ҷумла кишварҳои аврупоӣ дилтангу нигарон гардида, ҳамеша бо баҳонаҳои хушку холӣ, ба мисли он ки гӯё Сарвари давлат “тариқи пинҳонӣ ба кишварҳои аврупоӣ сафар мекунанд”, гӯё ба “хотири манфиати шахсӣ мераванд” ва монанди инҳо шиорпартоӣ мекунанд. Чунин як шиорпартоии бемантиқу ҳарисона чанде пеш дар сомонаҳои беноми ин ташкилоти террористӣ-экстримистӣ қабл аз сафари Президент ба Аврупо пайдо гардид. Ин ҳам дар ҳолест, ки дар ҳамон рӯзе, ки ин хабар пайдо гардид, ки гӯё Роҳбари давлат тариқи пинҳонӣ ба Аврупо сафар мекунанд, Пешвои миллат вакилони Аврупоро дар Душанбе ба ҳузур пазируфтанд ва бо онҳо суҳбатҳо ҳам доштанд.
Ин худобехабарони худбохта ҳеч гоҳ ҷонибдори Тоҷикистони азиз набуданду нестанд ва ҳамеша бо ҳар роҳу восита кӯшиш намуданд аз Тоҷикистон чизеро баранду чизеро аз худ кунанду мардумро ба доми фиреб андозанд. Ин кор ба ҷое расид, ки мардум аз найрангбозиву фитнаи онҳо огоҳ гардида, аз роҳбарияти кишвар хост фаъолияти онҳоро дар ҳудуди Тоҷикистон қатъ намоянд. Чун ҳодисаи соли 2015 дараҷаи аълои бесарусомонии аъзоён ва роҳбарони ин ҳизби террористӣ дар замони Истиқлолиият буд. Бо ҳамовозӣ ба қарори қабулнамудаи Тоҷикистон дар мавриди террористӣ эълон шудани ин ҳизб бархе аз созмонҳои байналмилалӣ низ террористиву экстемистӣ будани ҲНИ-ро эътироф карданд.
Вале то ҳанӯз ин худбохтагони манқурт мехоҳанд бо ҳар роҳу восита ба сӯйи Тоҷикистон санг зананд ва ё бо маблағгузории хоҷагони хориҷиашон бо таъсиси сомонаву гурӯҳҳои махсус дар шабакаҳои иҷтимоӣ номи Тоҷикистонро доғдор намоянд.
Ба ҳамагон маълум аст, ки фаъолияти Роҳбари давлат шаффоф буда, ҳиҷ вақт пинҳонӣ ба ҳиҷ маҳале ё кишваре сафар намекунанд. Вактҳои охир сафарҳои Роҳбари давлат ба минтақаҳои Тоҷикистон ва рӯҳияи идонаи мардум гувоҳи ин гуфтаҳост. Ё ин ки ширкат дар формуҳои байналмилалӣ, минбарҳои бузурги ҷаҳонӣ, ки қариб ҳар сол чандин маротиба роҳбари тоҷикон дар ин минбарҳои баланд на танҳо баромад, балки пешниҳодҳои муфид ҳам барои ҷомеаи ҷаҳонӣ мекунанд, ки ҳамеша қобили қабул дониста мешавад, мисоли ин гуфтаҳост. Ташаббусҳои Тоҷикистон дар мавриди эълон гардидани “Солҳои оби тоза” ва “Об барои рушди устувор” аз мисолҳои рӯшани он мебошад.
Ҳамчунин, тавре ба ҳамагон маълум аст, дар ҷараёни ҳар як сафари хеш Президенти кишвар бо як шодмонӣ ва хушҳолӣ ба кишвар бармегарданд, чун аниқ аст, ки ҳар як сафар дар пай имзои созишномаву қарорҳои нави ҳамкорӣ ва густариши ҳамкориҳои наву созандаро дар бар мегирад. Ҳар боре ки Роҳбари давлат ба як кишвар сафар мекунад, садҳо созишномаву қарорҳои нав дар мавриди рушди соҳаҳои мухталифи Тоҷикистон имзо ва амалӣ мешавад. Баъди ин сафар ҳамоно ин кишварҳо ба Тоҷикистон сармоягузорӣ мекунанд ва ҳамкории густурдаи худро ба роҳ мемонанд.
Мантиқан низ ҳиҷ наметавон гуфт, ки роҳбари як кишвар пинҳонӣ ба як давлати дигар сафар кунад. Ин сафари як одами оддӣ нест, ки пинҳонӣ сурат гирад. Ҳамаи он аз рӯйи протокол ва расмиёт аст, ки пештар мувофиқа мешавад.
Роҳбарон ва аъзоёни ташкилоти террористӣ ва экстремистии наҳзат, ки худ ҳамеша пинҳонӣ ба кишварҳое, ки хоҷагонашон ба сар мебаранд, сафар мекунанду бо халтаҳои пури маблағҳои ҳароми хоҷагонашон баргашта, бар зидди Тоҷикистон сангпартоӣ мекунанд, фикр мекунанд, роҳбари як давлат низ ҳамин гуна пиннҳонӣ сафар мекунад. Вале ин тавр нест. Роҳбари давлат ҳиҷ гоҳ пинҳонӣ ба як кишвари дигар мисли шумо — наҳзатиҳо сафар нахоҳад кард. Ҳар сафари Пешвои миллат мисли оина ба тамоми мардуми Тоҷикистону ҷаҳон маълум аст ва ҳар як сафари Роҳбари давлат навигариву ҳамкории густурдаро дар пай дорад.
Ёралии Набӣ
