Рӯзи 30-юми октябри соли равон дар толори маҷлисгоҳ, мушовараи навбатии Раёсати маорифи мақомоти иҷроияи ҳокимияти давлатии вилояти Хатлон бо иштироки кормандони масъули раёсат, зерсохторҳои он, мудирони шуъбаҳои маорифи вилоят ва шахсони дигари даъватшуда, доир гардид.
Раиси мушовара, сардори раёсат, ҳозиринро бо рӯзномаи ҷаласа ошно сохт, ки он аз 8 масъалаи нақшавӣ ва 4 масъалаи баррасишаванда иборат буд.
Пас аз баррасии масъалаҳо, оид ба ҳар яки он қарорҳои дахлдор қабул карда шуд.
Дар охир раиси кунанда оид ба ислоҳи камбудию норасоиҳои ошкоргардида ба масъулин дастуру супоришҳои мушаххас дод.
